Mündəricat faylı- Abituriyent_N_12_2017_mun.pdf

Dövlət İmtahan Mərkəzi 2017/2018-ci tədris ili üçün tələbə qəbulu və ümumi təhsil müəssisələri üzrə buraxılış imtahanları nəticələrinə dair elmi-statistik materialları «Abituriyent» jurnalının 12-ci nömrəsində çap etmişdir. Burada ali təhsil müəssisələrinin bakalavriat və magistratura səviyyələrinə, rezidenturaya, eləcə də orta ixtisas təhsili müəssisələrinə qəbul imtahanlarının, ümumi təhsil müəssisələri üzrə buraxılış imtahanlarının nəticələrinə əsasən təhsilin həm ümumilikdə ölkə üzrə, həm də ayrı-ayrı bölgələr və məktəblər üzrə göstəriciləri, bunların əsas parametrləri əhatəli şəkildə araşdırılmış, təklif və tövsiyələr irəli sürülmüşdür.

İmtahanların nəticələri əsasında təhlillər aparılmış, müvafiq material­lar hazırlana­raq jurnalın elektron versiyasına daxil edilmişdir.

Bunlardan bəziləri isə «Abituriyent» jurnalının 12-ci nömrəsinə əlavə kimi ayrıca kitabça şəkilində nəşr edilmişdir:

–   Ayrı-ayrı rayonların 2017-ci il məzunlarının qəbul imtahanlarındakı nəticələrinə dair statistik məlumatlar;

–   Qəbul və buraxılış imtahanlarının nəticələrinin gender aspektləri;

–   Kənd təsərrüfatı profilli ixtisaslar statistikada;

–   Neft-qaz profilli ixtisaslar statistikada.

Bu kitabçalar hər il aidiyyatı nazirliklərə, təhsil şöbələrinə və respublikanın hər bir məktəbinə əvəzsiz olaraq göndərilir.

Jurnalı DİM-in aşağıdakı ünvanlarda yerləşən binalarındakı “Abituriyent” satış köşklərindən, həmçinin kitab mağazalarından almaq və ya www.abiturient.az saytından sifariş etmək olar:

Bakı şəhəri, Yasamal rayonu, M.Müşfiq küçəsi, 1m.

Bakı şəhəri, Nəsimi rayonu A.Salamzadə küçəsi, 28.