Tələbə Qəbulu üzrə Dövlət Komissiyası ali təhsil müəssisələrinin II ixtisas qrupuna qəbul imtahanı vermiş abituriyentlərin imtahan ballarını internet vasitəsilə elan etmişdir. Ali təhsil müəssisələrinin ixtisaslarını seçmək hüququ qazanan abituriyentlərə kömək məqsədilə “Abituriyent” jurnalının xüsusi buraxılışında “İxtisas seçimi zamanı nələrə diqqət yetirməli?” adlı kitabça nəşr edilmişdir. Kitabçada ali təhsil müəssisələrinə II ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri, müsabiqədə iştirak etmək hüququ qazanmış abituriyentlərin imtahan ballarının paylanmasına dair məlumatlar təqdim olunmuşdur.

Jurnalı TQDK-nın aşağıdakı ünvanlarda yerləşən binalarındakı “Abituriyent” satış köşklərindən almaq və ya www.abiturient.az saytından sifariş etmək olar: 
Bakı şəhəri, Yasamal rayonu, Mikayıl Müşfiq küçəsi 1m; 
Bakı şəhəri, Nəsimi rayonu, A.Salamzadə küçəsi, 28.