![](https://abiturient.az/public/storage/projects/N4_Magistr_2012.jpg)
Magistr N4
Nəşr satışı yoxdur / 1.5 AZN (PDF)
Mündəricat faylı- Magist_N4_az-rus_2012_mun.pdf
Tələbə Qəbulu üzrə Dövlət Komissiyası 2012/2013-cü tədris ili üçün Azərbaycan Respublikasının ali təhsil müəssisələrinin magistraturalarına qəbul imtahanının ikinci mərhələsi, proqram seçimi və ixtisaslaşma seçimi haqqında elanı “Magistr” jurnalının 4-cü sayında çap etmişdir. Jurnalın bu sayında həmçinin qəbul proqramlarının seçilməsi və təsdiqi üçün təlimat, qəbul proqramının seçimi üçün elektron ərizə formasının nümunəsi, ali təhsil müəssisələrinin magistraturalarına qəbul aparılan ixtisaslaşmalar üzrə ümumi qəbul planı və dövlət sifarişi ilə qəbulun proqnozu təqdim olunmuşdur.
Bakalavrların nəzərinə o da çatdırılır ki, həm Azərbaycan, həm də rus bölməsi üzrə qəbul elanı və qəbul planı ayrılıqda deyil, bir jurnalda – Azərbaycan dilində dərc edilmişdir.
Jurnalda həmçinin Rusiya Federasiyasının ali təhsil müəssisələrinin magistratura səviyyəsinə qəbul elanı verilmişdir.
Xəbər verildiyi kimi, TQDK-nın “Abituriyent” jurnalı redaksiyası BAKCELL şirkəti ilə birgə “Abituriyent – 2012” müştərək hədiyyə kampaniyası keçirir. Kampaniya çərçivəsində “Magistr” jurnalının bu sayında bakalavrlara hədiyyə olaraq 1,00 (bir) manat dəyərində internet ödəmə kartı təqdim edilir.
Jurnalları TQDK-nın binası qarşısındakı "Abituriyent" köşkündən almaq və ya www.abiturient.az saytından sifariş etmək olar.
- Ad: Magistr N4
- Kateqoriya: “Magistr” jurnalı