“Abituriyent” jurnalının yenicə çapdan çıxmış 11-ci sayı qəbul imtahanlarında 600-dən yuxarı bal toplayan gənclərə həsr edilmişdir. Jurnalda Prezident təqaüdçüləri ilə TQDK-da keçirilmiş görüş, hər bir yüksək ballı gənc haqqında məlumat – şəkli, topladığı bal, qəbul olduğu ixtisas, bitirdiyi orta təhsil müəssisəsi, onlarla keçirilmiş anket sorğusunun nəticələri, rəy və təklifləri, qəbula hazırlaşan şagirdlərə tövsiyyələri, həmçinin ən yüksək nəticə göstərmiş abituriyentlərlə müsahibələr və digər maraqlı materiallar təqdim edilmişdir.