Dövlət İmtahan Mərkəzi ingilis dili fənnindən doktorantura səviyyəsi üzrə imtahana hazırlaşanlar üçün test toplusu nəşr edib.

Bu test toplusunda dinləmə və oxu mətnləri əsasında hazırlanmış tapşırıq nümunələri, esse və vizual məlumatın təsvirinə dair tapşırıq nümunələri və danışıq bacarığını yoxlayan tapşırıqlar təqdim edilib.

Topluda istifadə olunmuş materiallar dillər üzrə ümum-Avropa tövsiyə çərçivə sənədinin (CEFR) müvafiq səviyyəsinə və tələblərinə uyğun olaraq hazırlanıb.

Doktorantura səviyyəsi üzrə imtahana hazırlaşanlar bu nəşrdən istifadə edərək öz hazırlıq səviyyələrini yoxlaya bilərlər.

Toplunu www.abiturient.az saytından sifariş etmək və ya kitab mağazalarından almaq mümkündür.