Tələbə Qəbulu üzrə Dövlət Komissiyası 2011/2012-ci tədris ili üçün Azərbaycan Respublikasında baza ali tibb təhsili əsasında həkim mütəxəssislərin hazırlanması məqsədilə rezidenturaya qəbul elanını “Rezidentura” jurnalının 2-ci sayında çap etmişdir. Jurnalda Azərbaycan Respublikası Səhiyyə Nazirliyi sistemi üzrə təhsil, elm müəssisələri və klinikalarına rezidenturaya 2011/2012-ci tədris ili üçün qəbul aparılan ixtisasların siyahısı da təqdim olunmuşdur.
Jurnalı TQDK-nın qarşısındakı “Abituriyent” köşkündən almaq, www.abiturient.az saytından sifariş etmək və ya onun elektron versiyasını (pdf) www.tqdk.gov.az/ejurnal linkinə keçərək əldə edə bilərsiniz.