"2011/2012-ci tədris ili üçün Azərbaycan Respublikasının ali təhsil müəssisələrinə və tam orta təhsil bazasında orta ixtisas təhsili müəssisələrinə ərizə qəbulu başlanmışdır.
Ərizə qəbulu elanının tam mətni “Abituriyent” jurnalının 2-ci sayında dərc olunmuşdur. Jurnalda həmçinin aşağıdakı materiallar təqdim olunmuşdur:
Elektron ərizə verən abituriyent üçün təlimat, “Elektron ərizə"nin doldurulma qaydası və nümunəsi; Qabiliyyət imtahanlarının keçirilmə qaydaları (ali təhsil müəssisələri və tam orta təhsil bazasında orta ixtisas təhsili müəssisələri üzrə); 2010-cu ildə tələbə qəbulu müsabiqəsində formalaşmış keçid balları; Çətin testlərin izahı və tövsiyələr; Abituriyentlər üçün elmi-metodiki məqalələr
Bütün bu materiallar iki dildə – Azərbaycan və rus dillərində dərc edilmişdir.
Jurnalı TQDK-nın qarşısındakı "Abituriyent" köşkündən almaq və ya onu www.abiturient.az saytından sifariş etmək olar.