Tələbə Qəbulu üzrə Dövlət Komissiyası rezidenturaya hazırlaşanlar üçün “Baza fənləri üzrə test toplusu” adlı vəsaitin təkmilləşdirilmiş variantını nəşr etmişdir. Baza tibb təhsili əsasında rezidenturaya qəbul imtahanlarına hazırlaşanlar üçün nəzərdə tutulmuş vəsait onların  tədris prosesində əldə etdikləri  biliklərinin operativ yoxlanılması və qiymətləndirilməsi, testlərlə işləmək vərdişlərinin möhkəmləndirilməsi, tədris olunan mövzuları daha yaxşı mənimsəmələri işinə kömək məqsədilə hazırlanmışdır. Vəsaitdə 2011-2014-cü illərdə qəbul imtahanlarında namizədlərin cavab verməkdə çətinlik çəkdikləri test tapşırıqlarının izahı da verilmişdir.

Vəsaiti kitab mağazalarından, Azərbaycan Tibb Universitetinin 4 nömrəli (fiziki-kimya) korpusunda yerləşən kitab köşkündən almaq və ya www.abiturient.az saytından sifariş etmək olar.