Tələbə Qəbulu üzrə Dövlət Komissiyası ali təhsil müəssisələrinin I ixtisas qrupuna qəbul imtahanı vermiş abituriyentlərin imtahan ballarını internet vasitəsilə elan etmişdir. Ali təhsil müəssisələrinin ixtisaslarını seçmək hüququ qazanan abituriyentlərə kömək məqsədilə “Abituriyent” jurnalının xüsusi buraxılışında “İxtisas seçimi zamanı nələrə diqqət yetirməli?” adlı vəsait nəşr edilmişdir. Vəsaitdə ali təhsil müəssisələrinə I ixtisas qrupu üzrə qəbul planı, dövlət sifarişi üzrə yerlərin sayı, müsabiqə şərtləri, müsabiqədə iştirak etmək hüququ qazanmış abituriyentlərin imtahan ballarının paylanmasına dair məlumatlar təqdim olunmuşdur.

Azərbaycan dilində vəsaiti TQDK-nın binası qarşısındakı "Abituriyent" köşkündən almaq olar, vəsaitin rus dilində nəşrini isə elektron formatda (pdf) www.tqdk.gov.az/ejurnal linkinə keçərək əldə etmək mümkündür.